由於我返補習社，我冇咩必要同家長見面，多數呢d野都係由補習社負責人負責。

但星期六o個日我去到，補習社未開門，於是我企係門口等。

等左一陣，見到平時好鬼懶o既一個學生，同佢家長。

個女人家長見到我，點下頭。我又點下頭。

跟住佢話：「你係中學....」

我話：「係呀，我平時教開XXX架！」

佢話：「哦...唔好意思，我唔知你係miss。我係XXX o既"麻麻"」

咁跟住我地就傾佢孫女o既問題啦！

講到最後，佢話：「Miss，你惡d鬧佢得架喇！最緊要教好佢！頭先真係唔好意思，我唔知你係Miss，我以為你係家長...」

家長！！！但係同日我去買六合彩又俾人check身份証，好frustrated~~~

頑皮、懶散，呢d我已經覺得好平常，我都做過中學生，我明o既。

不過依家d學生，有d態度真係好鬼差。

但係今日個main point唔係想講呢樣。

而係，今時今日o既中學生，係母語教學o既情況底下，英文唔好已經係不能挽救o既事實，而中文o既情況...

「Miss，我聽日要交中文作文。」

「咁作啦...」

學生諗左好耐，寫左一段野。咁我叫佢俾我睇下。

題目係：我的家庭

「我家有媽媽和姐姐。.........姐姐對我很好，每當我有不明白的時候都會去問她，每次我都腦袋一叮....」

睇到呢度，其實佢中途已經有好多錯字同文法問題，不過都唔緊要，最大個問題係：「腦袋一叮」？

我問佢咩叫腦袋一叮，佢話即係叮一聲...

我話冇一個咁o既四字詞，係咪睇得殘酷一叮太多？佢自己都忍唔住笑，但係依然唔知點改。

中一生，篇作文好似小三咁，真恐怖！

明天，又是再開始衝刺的時候。

下個假期，要多訂幾天休息才好，哈哈！

不過今個假期也真高興，兩天到了郊外地方，很難得呢~~~

21/10

與一眾戰友交功課後到了深圳按摩，真享受！

不幸的，是晚上要補習。

22/10

與友人漫遊城門水塘。

由於是平日的關係，甚少遊人，真是人生幾何呢？

23/10

跟舊同事一聚，下次還是別上人家公司打搞別人比較好。

下午跟Clara到Inside Out談心，消磨時間，爽！

補習後到尖沙咀跟Amy幾個朋友小聚，一談就是凌晨三時。

24/10

一大早補習後跟Tracy到尖沙咀試新開的日式烏冬店，水準一流！Yummy~~~

25/10-26/10

樟木頭兩天遊。

27/10

跟Lily下午茶後，自己一個在海旁看海。

想了很多很多，似是想通，卻還在意。

晚上跟莊記同學聚會，多少年的老朋友呀！Kevina，歡迎歸來。

28/10

海下灣浮潛之日。

正！今年第一次出海。。。

29/10

終於來到同學們的節目了。

回校游泳、去唱Ｋ、打邊爐，玩個不亦樂乎！

最不好意思還是打搞了同學一整晚，多謝了！

30/10

晚上跟Ida, Agnes, Esther來一個板長壽司。呵呵！

多謝你們的蛋糕。

Sara，希望你一切安好吧！

31/10

原本的按摩之旅因我取消，真不好意思！

多謝PikPik陪我看畫啊！晚上到我至愛的Dan Ryan's來一客Steak Sandwich！

再來是糖朝的豆腐花蛋糕？很飽啊！

1/11

整個假期到了三次電腦中心，終於買下來。

感謝運送人陳小姐，每次你跟我出來，簡直像東華籌款一樣。。。出錢出力！

跟家人簡簡單單的一餐晚飯，慶祝爸爸的生日。

Set機又是兩點鐘。

為什麼假期時好像還忙點？

我滿心歡喜的開了youtube片段，但是我笑不出來 (雖然內裡的笑聲不絕)。

如果片段是真的，我會很同情那頭動物。試問每天都為小事而嚇得半死，生活有何樂趣呢？

而我們把快樂建築於他人的痛苦上，好笑嗎？

所以開始讀master，讀d咩，有幾大轉變，都只係最親密d朋友先知。

老實講，連親戚都多數唔知我依家o既情況。

感覺係...冇必要向人交代。

而且，大家都知facebook o既朋友係有幾「相熟」，一傳十，十傳百，如果我o個三百幾個contact都走黎問我讀緊咩野，我諗我會殺人。

前排有個都算熟熟地o既朋友一知道我o既新去向就追問我到底讀緊咩，打左幾次電話俾我。

咁我覺得冇咩所謂啦，雖然唔係成日見面，但大家都係好朋友，講出黎啦！

佢o既反應係...「下？點解呀？你諗清楚架喇？辭左職？」一連串o既問題。

我同佢講：「其實我開始o左兩個月架喇！我都覺得讀得好開心，好有目標。」

而佢依然係一個抱有懷疑o既態度...係咁問點解...

我想講o既係，我都已經開始讀緊喇，如果我未讀時問你意見，你叫我諗清楚，我都明丫，咁之但係我開始左架喇喎，辭晒職架喇喎！我個人認為，作為朋友，你只可以支持我，又或者...唔支持，都請shut up。

最搞笑o既係，當佢問到佢想知o既野之後，就好趕住收線，然後再冇搵過我喇！

所以，呢件事都令本身覺得可以公開事情o既我有少少卻步。

我諗，我只需要向自己解釋點解，最多加埋我屋企人，而唔係任何其他人...

姨婆無後，作為後輩的我們要為她作最後一件事了。

再對上一次到殯儀館已是六歲的時候，那次爺爺過身。對那次的事，可以說是一點印象都沒有。 

所以，這次可以說是我懂性以來第一趟到殯儀館，第一次瞻仰遺容，第一次看到棺木，第一次經歷整個殯儀的儀式。

殯儀館沒我想像的恐怖，由於拜祭的人肯定多於死去的人的原故，走到哪裡都是人，有什麼可怕。反而看到姨婆的遺容，跟我記憶中的完全沒半分相像，才教我驚訝。那時我才知道原來死後的樣子改變是如斯厲害。

一邊在佛教儀式下念誦經文，希望姨婆往生極樂，一邊在沉沉的想。

當時在場的有八成人都是年過半百，相信有四份之一都年過六十了，終有一天，他們都會病，他們都會死，他們都會上天堂或往生西方極樂，如果你相信的話。我不是在殯儀館咒罵他人，不過這是事實，是一個大多數人都不願意相信或者逃避去想的事實。

而我也將有一天，卧病在床，痛苦的等候著最後日子的來臨，又或突然死亡來襲也說不定。要不，我就要承受著面對親人好友相繼離去的事實，孤單的活在這世上，然後還是等待死亡的來臨，就像我"麻麻"一樣。

"麻麻"那天沒來，她已是近九十的高齡，眼看著身邊的人一個一個的離去，心知道自己也終有這樣的一天，還有什麼好說的。可幸的是她兒孫滿堂，才不致孤獨的一人步行這條殘酷的道路。

那人生到底是在幹嘛？就是走過一條平凡的道路，然後得快活時且快活？就是為了覓得好伴侶，然後生兒育女，再每天祈求著合家平安？還是就向著自己的事業財富拼命，繼而無止境的追求著更上一層樓？

這一直是我在深深思考的問題。

真係忙到呢...

不過，我宣佈：我回歸喇！

哈哈，個多星期o既假期，之前o既辛苦都係有回報o既！

我話我唔得喇，求其搵d理由推o左佢，佢話佢諗住我可以搵多d錢。

另外，又有兩份part time打黎問我返唔返工。

如果我係以前讀書，我一定會接，多d黎密d手，我記得我undergrad o既時候有成五、六份私人補習，有freelance做，仲有一份part time。做野時間係多過返學架！哈哈...

但係依家心態唔同o左，如果我係short term為o左錢o既，我唔會辭o左份工俾咁多錢去讀返書，我知道我最終目標係咩，好清晰，錢...暫時只要夠我每月生活開支就好喇！

Big Fish，我都以你為榮架！我知道你推o個份比我o個d需要更大勇氣同定力~~~

於是，我早o左一個站落車，去重遊舊地。

剛十年前，我每日放學都會去牛頭角，風雨不改。

再經過番，我望上去你o既舊家，感覺既熟悉又陌生。

我諗除非我老o左有老人痴呆，如果唔係好多野我都仲會記得o既。

十年喇，時間原來真係可以過得好快，就好似一眨眼之間發生o既事。

咁多年，你有你o既生活，我又有我o既忙碌，雖然大家都係好好朋友，不過總係聚少離多。

十年喇，我各方面o既生活都崎嶇到不得了，仲係到尋覓緊我要o既野。

十年喇，你終於話我知你會結婚，仲邀請我幫手。

好開心你要搵o既野終於搵到，真心希望你會得到幸福快樂！

呢排都完全冇心情做任何事，日日都係對住本書書書...

盡左力，努力過，可能考試期間緊張，表現永冇可能一百分，不過算架喇！起碼我知自己係可以o既。

尋日一考完就同d同學仔去唱o左個Lunch K，真係好開心！不過之後又返番學校，哈哈！

開始要趕paper同預備第二科考試喇！要繼續努力！

於是我係msn度寫十二月...要儲錢。(由於我係一個窮學生，呢d高消費活動我當然唔係隨便參加)

咁就有好多人問我十二月儲錢去邊。

咁我就如實話佢地聽啦！

大家o既反應都不外乎係...「下，鄭伊健？你鍾意o既咩？」「佢仲開演唱會？你o既taste咁特別o既咩？」

其實我想話，唔止我taste特別架，其實我一講起都有幾個人同我講話一定會去睇。

其實都係一個兒時回憶o者，當年佢係四大天王之下，都算係一個紅紅地o既歌手，形象又健康，雖然唱功就實在冇咩值得一提，但勝在d歌夠好聽，首首我唔睇都唱得番出黎架！

咁老實講，黎明唱歌好好咩？劉華唱歌又好好咩？都係時勢造英雄o者。

但係如果呢個得兩個男人，一個鄭伊健、一個黎明，我一定打死都揀鄭伊健囉！(各花入各眼嘛！我鍾意佢天性平淡)

見到鄭伊健，我會諗起：

1) 我由五年級睇蜀山奇俠開始已經鍾意佢

2) 佢o既情歌勾起初戀o既回憶

3) 一個好鬼正氣o既洪興浩南哥

4) 十年都唔變o既樣。當關禮傑已經變成阿叔時，佢依然keep得超好。

5) 一個唯一留長頭髮又唔令我覺得核突，仲覺得幾有型o既男人

6) 一個唔多爭權逐利，平平淡淡，又唔會餓死o既人

唯一最唔想諗起又會諗起o既就係Gigi Leung...

開始幫人補習，幫補生計。

我諗我由中學開始幫人私人補習，起碼有三十個學生，由幼稚園至大學我都補過。但今次係我第一次係補習社補。我o個班有十個學生，全部中一。

程度差都預o左o既，不過d態度呢，真係唔得你死。始終咁多學生一齊係比較難控制，有幾個仲聯手成日擾亂秩序。

最搞笑係有個學生同我講：「Miss，你知唔知今日七月十四呀？」我目無表情：「咁點丫？」學生：「冇...幾多鬼呀！」

大人同中學時候o既學習真係太唔同喇！我差唔多要捉住佢地隻手佢地先肯去做...最緊要係...要惡(但又唔可以太惡)！其實我早年都有諗過做老師，覺得作育英才好有意義，但我都好慶幸我當年冇選擇到，我諗實在唔係太o岩我喇！

4/9

第二次去補習，覺得慣左好多咯，起碼都壓得住班學生(不過唔做功課ｏ既始終係唔做，你都奈佢唔何）

補完習都九點幾，去ｏ左尖沙咀同個friend飲野食飯，遲來ｏ既慶祝生日。我地去ｏ左諾士佛臺ｏ既水煙bar，煲水煙、食飯、飲野，我整整一個月未飲過咁輕鬆喇！搞到點幾，我個friend突然提議去按摩，於是求其上左一間，正呀！按左兩個鐘，我個肩痛到好似唔係自己ｏ既一樣。

多謝啊！

其實最大ｏ既收穫係同你打開心扉，傾左咁多野，真係好開心！起碼，我知道，你其實對我好好，我真係感受到。我期待我ｏ既sem break~~~

個鐘的嗒跳　個鐘的嗒跳
個鐘的嗒一聲等於一秒

動作真巧妙　道理真巧妙　
仲會鐘擺兩面搖

個心卜卜跳　個心卜卜跳
每分鐘都不多不少
在賽跑之後　受到驚慌後
又會加速心跳

我想知　我想知
到底點樣整鐘錶
內裡的巧妙　內裡的巧妙
在那小小發條

個心點解跳　個心點解跳
循環現象不可少
讓血出心臟　導血返心臟
罷跳一分不得了

愛惜一分秒　愛惜一分秒
到底一分鐘等於多少
任你千千萬　任你千千萬
亦買不到多一秒

願愛惜　願愛惜
愛惜光陰惜分秒
用心的學　用心的練
競賽之中爭分秒

大概是我小六的時候吧！

一開始，它給我的感覺...它是一本書。

拿在手上，看看，蠻不錯嘛！有時候看看那些笑話都讓人會心微笑啊！

不知從那時開始，我媽媽不再訂閱了。

但那又如何？

它是一本像它外表一樣平淡的刊物，有就看看，沒有罷了，你不會萬分期待新一期到來。

它給人的感覺就是那樣。

以前，或許會有一群忠實的支持者。

可是，現在是什麼年代了？打開我的電腦，我可以找到的資訊還會少了？

它的版面、它整本刊物的編輯都不能夠勾起人們濃烈的興趣。

我絕對不是贊成八卦雜誌的誇張報導手法。

只是，做任何產品，不變革，不創新，就註定了被淘汰的命運。

我得到了...甚多。

完全沒想像過一個月學到的東西可以是這樣豐富。

我知道，我很喜歡現在的感覺，我會珍惜這一次。

雖然每天上學路途遙遠、課程緊密、又要暫時放棄享受人生好好省下錢來、連見朋友的時間都沒有，但我一直相信人生的旅途一定要經歷不同時刻才能豐盛人生，現在我幸運的有了這機會。

我很喜歡這校園，比起以前讀大學簡直是差天共地。山明水秀、空氣清新怡人、最重要是自成一角、藏書千萬，真是求學問的好地方。每個景點的名字起得多秀麗、多動聽，我都是現在才知道，除了神鵰俠侶有君子劍、淑女劍外，我學校竟然也有君子塔、淑女塔。

希望自己之後一直能持續這種態度吧！

多謝好朋友的支持，不只是精神上的。我會好好記住你們任何形式的幫忙。

(Ida, 壽司餐真的令我回未無窮，雖然吃後病了，但我還是過足口癮，多謝多謝！)