香港新浪網 MySinaBlog
敖天 | 20th Dec 2009, 11:58 AM | 一般

朋友們,昨晚睇完ekin concert,想送呢首歌俾我O既所有好朋友~~~ 

靠向我身邊 你帶笑卻無言
在落寞情況 常贈我明天
縱會有辛酸 有了你
我願擔起每天 狂風中也熱戀

伴我高低起趺幸運及那失意天
並說聲多甘心及情願
過每天

情懷是因你溫暖
衝擊於心裡邊
全情愛我 熱梅愛加添
唯獨是可愛的臉
手挽手肩並肩
有緣碰見
仍留在我身邊
心 真摰倍添 愛倍添
蕩來這段緣 這段緣
不知怎去講 感激我遇見


敖天 | 13th Nov 2009, 06:50 AM | 一般

有個星期六,我返去幫學生補課。

由於我返補習社,我冇咩必要同家長見面,多數呢d野都係由補習社負責人負責。

但星期六o個日我去到,補習社未開門,於是我企係門口等。

等左一陣,見到平時好鬼懶o既一個學生,同佢家長。

個女人家長見到我,點下頭。我又點下頭。

跟住佢話:「你係中學....」

我話:「係呀,我平時教開XXX架!」

佢話:「哦...唔好意思,我唔知你係miss。我係XXX o既"麻麻"」

咁跟住我地就傾佢孫女o既問題啦!

講到最後,佢話:「Miss,你惡d鬧佢得架喇!最緊要教好佢!頭先真係唔好意思,我唔知你係Miss,我以為你係家長...」

 

家長!!!emotion但係同日我去買六合彩又俾人check身份証,好frustrated~~~


敖天 | 5th Nov 2009, 21:00 PM | 一般

我補緊o既中一班有十個人一組。

頑皮、懶散,呢d我已經覺得好平常,我都做過中學生,我明o既。

不過依家d學生,有d態度真係好鬼差。

但係今日個main point唔係想講呢樣。

而係,今時今日o既中學生,係母語教學o既情況底下,英文唔好已經係不能挽救o既事實,而中文o既情況...

「Miss,我聽日要交中文作文。」

「咁作啦...」

學生諗左好耐,寫左一段野。咁我叫佢俾我睇下。

題目係:我的家庭

「我家有媽媽和姐姐。.........姐姐對我很好,每當我有不明白的時候都會去問她,每次我都腦袋一叮....」

睇到呢度,其實佢中途已經有好多錯字同文法問題,不過都唔緊要,最大個問題係:「腦袋一叮」?

我問佢咩叫腦袋一叮,佢話即係叮一聲...

我話冇一個咁o既四字詞,係咪睇得殘酷一叮太多?佢自己都忍唔住笑,但係依然唔知點改。

 

中一生,篇作文好似小三咁,真恐怖!


敖天 | 2nd Nov 2009, 17:24 PM | 一般

假期,過得真快。

明天,又是再開始衝刺的時候。

下個假期,要多訂幾天休息才好,哈哈!

不過今個假期也真高興,兩天到了郊外地方,很難得呢~~~

21/10

與一眾戰友交功課後到了深圳按摩,真享受!

不幸的,是晚上要補習。

22/10

與友人漫遊城門水塘。

由於是平日的關係,甚少遊人,真是人生幾何呢?

23/10

跟舊同事一聚,下次還是別上人家公司打搞別人比較好。

下午跟Clara到Inside Out談心,消磨時間,爽!

補習後到尖沙咀跟Amy幾個朋友小聚,一談就是凌晨三時。

24/10

一大早補習後跟Tracy到尖沙咀試新開的日式烏冬店,水準一流!Yummy~~~

25/10-26/10

樟木頭兩天遊。

27/10

跟Lily下午茶後,自己一個在海旁看海。

想了很多很多,似是想通,卻還在意。

晚上跟莊記同學聚會,多少年的老朋友呀!Kevina,歡迎歸來。

28/10

海下灣浮潛之日。

正!今年第一次出海。。。

29/10

終於來到同學們的節目了。

回校游泳、去唱K、打邊爐,玩個不亦樂乎!

最不好意思還是打搞了同學一整晚,多謝了!

30/10

晚上跟Ida, Agnes, Esther來一個板長壽司。呵呵!

多謝你們的蛋糕。

Sara,希望你一切安好吧!

31/10

原本的按摩之旅因我取消,真不好意思!

多謝PikPik陪我看畫啊!晚上到我至愛的Dan Ryan's來一客Steak Sandwich!

再來是糖朝的豆腐花蛋糕?很飽啊!

1/11

整個假期到了三次電腦中心,終於買下來。

感謝運送人陳小姐,每次你跟我出來,簡直像東華籌款一樣。。。出錢出力!

跟家人簡簡單單的一餐晚飯,慶祝爸爸的生日。

Set機又是兩點鐘。

為什麼假期時好像還忙點?


敖天 | 31st Oct 2009, 09:05 AM | 一般

朋友send了一個email給我,標題是"Have a big laugh and Happy Halloween!!‏"

我滿心歡喜的開了youtube片段,但是我笑不出來 (雖然內裡的笑聲不絕)。

如果片段是真的,我會很同情那頭動物。試問每天都為小事而嚇得半死,生活有何樂趣呢?

而我們把快樂建築於他人的痛苦上,好笑嗎?


敖天 | 27th Oct 2009, 09:47 AM | 一般

一向都唔太鍾意周圍同人講自己d野,性格問題。

所以開始讀master,讀d咩,有幾大轉變,都只係最親密d朋友先知。

老實講,連親戚都多數唔知我依家o既情況。

感覺係...冇必要向人交代。

而且,大家都知facebook o既朋友係有幾「相熟」,一傳十,十傳百,如果我o個三百幾個contact都走黎問我讀緊咩野,我諗我會殺人。

 

前排有個都算熟熟地o既朋友一知道我o既新去向就追問我到底讀緊咩,打左幾次電話俾我。

咁我覺得冇咩所謂啦,雖然唔係成日見面,但大家都係好朋友,講出黎啦!

佢o既反應係...「下?點解呀?你諗清楚架喇?辭左職?」一連串o既問題。

我同佢講:「其實我開始o左兩個月架喇!我都覺得讀得好開心,好有目標。」

而佢依然係一個抱有懷疑o既態度...係咁問點解...

我想講o既係,我都已經開始讀緊喇,如果我未讀時問你意見,你叫我諗清楚,我都明丫,咁之但係我開始左架喇喎,辭晒職架喇喎!我個人認為,作為朋友,你只可以支持我,又或者...唔支持,都請shut up。

最搞笑o既係,當佢問到佢想知o既野之後,就好趕住收線,然後再冇搵過我喇!

 

所以,呢件事都令本身覺得可以公開事情o既我有少少卻步。

我諗,我只需要向自己解釋點解,最多加埋我屋企人,而唔係任何其他人...


敖天 | 23rd Oct 2009, 09:40 AM | 一般

上回姨婆過身。

姨婆無後,作為後輩的我們要為她作最後一件事了。

再對上一次到殯儀館已是六歲的時候,那次爺爺過身。對那次的事,可以說是一點印象都沒有。 

所以,這次可以說是我懂性以來第一趟到殯儀館,第一次瞻仰遺容,第一次看到棺木,第一次經歷整個殯儀的儀式。

殯儀館沒我想像的恐怖,由於拜祭的人肯定多於死去的人的原故,走到哪裡都是人,有什麼可怕。反而看到姨婆的遺容,跟我記憶中的完全沒半分相像,才教我驚訝。那時我才知道原來死後的樣子改變是如斯厲害。

一邊在佛教儀式下念誦經文,希望姨婆往生極樂,一邊在沉沉的想。

當時在場的有八成人都是年過半百,相信有四份之一都年過六十了,終有一天,他們都會病,他們都會死,他們都會上天堂或往生西方極樂,如果你相信的話。我不是在殯儀館咒罵他人,不過這是事實,是一個大多數人都不願意相信或者逃避去想的事實。

而我也將有一天,卧病在床,痛苦的等候著最後日子的來臨,又或突然死亡來襲也說不定。要不,我就要承受著面對親人好友相繼離去的事實,孤單的活在這世上,然後還是等待死亡的來臨,就像我"麻麻"一樣。

"麻麻"那天沒來,她已是近九十的高齡,眼看著身邊的人一個一個的離去,心知道自己也終有這樣的一天,還有什麼好說的。可幸的是她兒孫滿堂,才不致孤獨的一人步行這條殘酷的道路。

那人生到底是在幹嘛?就是走過一條平凡的道路,然後得快活時且快活?就是為了覓得好伴侶,然後生兒育女,再每天祈求著合家平安?還是就向著自己的事業財富拼命,繼而無止境的追求著更上一層樓?

這一直是我在深深思考的問題。


敖天 | 22nd Oct 2009, 08:41 AM | 一般

已經差不多一個月冇打blog,呢個應該係我o既一個記錄。

真係忙到呢...

不過,我宣佈:我回歸喇!

哈哈,個多星期o既假期,之前o既辛苦都係有回報o既!


敖天 | 27th Sep 2009, 08:25 AM | 一般

話說補習社想我除o左一三五之外,再教埋二四六。

我話我唔得喇,求其搵d理由推o左佢,佢話佢諗住我可以搵多d錢。

另外,又有兩份part time打黎問我返唔返工。

如果我係以前讀書,我一定會接,多d黎密d手,我記得我undergrad o既時候有成五、六份私人補習,有freelance做,仲有一份part time。做野時間係多過返學架!哈哈...

但係依家心態唔同o左,如果我係short term為o左錢o既,我唔會辭o左份工俾咁多錢去讀返書,我知道我最終目標係咩,好清晰,錢...暫時只要夠我每月生活開支就好喇!

Big Fish,我都以你為榮架!我知道你推o個份比我o個d需要更大勇氣同定力~~~


敖天 | 25th Sep 2009, 09:13 AM | 一般

有日去牛頭角搵個朋友,佢未放工。

於是,我早o左一個站落車,去重遊舊地。

剛十年前,我每日放學都會去牛頭角,風雨不改。

再經過番,我望上去你o既舊家,感覺既熟悉又陌生。

我諗除非我老o左有老人痴呆,如果唔係好多野我都仲會記得o既。

十年喇,時間原來真係可以過得好快,就好似一眨眼之間發生o既事。

咁多年,你有你o既生活,我又有我o既忙碌,雖然大家都係好好朋友,不過總係聚少離多。

十年喇,我各方面o既生活都崎嶇到不得了,仲係到尋覓緊我要o既野。

十年喇,你終於話我知你會結婚,仲邀請我幫手。

好開心你要搵o既野終於搵到,真心希望你會得到幸福快樂!


Next